TRAVELBOOK NOW!

Monday, August 30, 2010

National Heroes Day


Today is National Heroes Day.

Ngayon ang natatanging araw para sa lahat ng mga bayaning Pilipino!

Marami kasi tayong mga bayani na karapat-dapat parangalan sa ating bansa.

Ngunit dahil sa dami nila, ay hindi nakayang bigyan ng bawat isang araw ng pagkilala ang mga Pilipinong ito upang sila ay ipagdiwang.

Kaya ang ginawa ay ipinaglaan na lamang ng isang natatanging araw upang kilalanin ang kabayanihan ng lahat ng Pilipinong ito na gumawa ng kabutihan sa ating bansa.

Hindi lamang ang mga Pilipino na nagpakita ng kakaibang tapang at gilas sa larangan ng giyera o digmaan ang dapat ituring na bayani. Kundi bawat isang Pilipinong tumutulong upang maging mas mabuting bansa ang Pilipinas sa buong mundo.

Kaya sa mga Pinoy Driver na nagsosoli ng mga bag , gamit at perang naiiwan sa kanilang mga sasakyan o taksi....

Sa mga OFW na patuloy na nagpupunyagi at nagsusumikap sa ibang bansa upang maitaguyod ang kanilang pamilya dito sa Pilipinas....

Sa mga guro na laging tumutulong sa panahon ng eleksyon at masugid na tagapagtaguyod ng mga mag-aaral sa eskwelahang Pilipino.....

Sa mga tindero at tindera sa mga palengke at mga talipapa na matapat na nagseserbisyo sa kanilang kababayan at nagbibigay ng rasonableng presyo at paninda sa kanilang mga suki at mamimili....

Sa mga tapat na nagbabayad ng buwis sa gobyerno upang makatulong sa pagpapagawa ng mga imprastraktura.....

Sa mga obrero at manggagawang Pinoy na tapat na naglilingkod sa kanilang pinapasukang kumpanya , hindi nandadaya sa oras at masayang tinutupad ang kanyang mga nakaatang na tungkulin.......

Sa mga negosyanteng matuwid ss kanilang mga transaksyon sa kalakal at pagtitinda at sinisiguradong may kalidad ang kanilang mga produktong inilalako sa merkado.....

Sa mga empleyado sa gobyerno na ginagawa ang kanilang makakaya upang pagsilbihan ang mga Pilipino nang walang pag-iimbot.....

Sa mga pulitikong hindi nagpapaalipin sa kinang at kislap ng pera at kayamanan ; matapat at malinis na naglilingkod sa kanyang bayan sa abot ng kanilang makakaya.....

Sa mga Pilipinong nakiisa upang labanan , sugpuin at pigilan ang mga katiwalian, pagmamalabis at pang-aalipin ng mga makapangyarihan sa lipunan.....

Sa mga artista at entertainer na patuloy na umaaliw at nagbibigay -saya sa kanilang mga kababayang nalulumbay.......

Sa mga miyembro ng kapulisan na hindi nangongotong at nangingikil sa kanilang kapwa ; hindi nangto-torure at nang-aapi sa kanilang mga nahuhuling kababayan.....

Sa mga kapitbahayang nakikiramay kapag may namatayan, nasunugan, nabahaan o naaksidenteng mga kababayan....

Sa isang anak na umaalalay at kumakalinga sa kanyang matanda nang mga magulang.......

Sa mga magulang na nagsisikap at nagtataguyod ng marangal sa kanilang pamilya at bata pang mga anak......

At sa lahat ng Pilipino na gumagawa ng mabuti sa kanyang kapwa nang walang inaasahang kapalit mula sa kaninuman......


Tayong lahat ay pinagpala.....


At tayong lahat ay bayani ......

At ang araw na ito ay natatangi para sa atin......

Tayong mga bayaning Pilipino na patuloy naglilingkod para sa kabutihan ng ating kapwa at ng bansang Pilipinas!

Mabuhay ang lahat ng mga Bayaning Pilipino!!!!

No comments:

Post a Comment